И официјално кај нас – дополнителни мерки за справување со Коронавирусот и прекината настава!

Само 1 ден по целосниот карантин низ цела Италија, нашата влада преземува мерки. Во денешната седница на владата во 14:00 часот министерството за здравство ги прикажа своите заклучоци од нивниот состанок кој ги вклучи следните членови:

  • Проф. Д-р Миле Босилковски – Претседател – Клиника за инфективни болести и фебрилни состојби – Скопје
  • Прим. Д-р Александар Стојанов – Центар за јавно здравје Скопје
  • Д-р Ирина Сотирова Бухова – ДСЗИ
  • Д-р Лилјана Ристовска Деспотовски – ДСЗИ
  • Д-р Кристина Ставридис – ЈЗУ “Институт за јавно здравје”

Владата гласаше и се согласи со барањата на министерството, меѓу кои:

Сите градинки, основни, средни и високи образовни институции да ја паузираат наставата за 14 дена почнувајќи од 11.03.2020.

Забрана за сите масовни собири и културни манифестации, и спортските настани да се одржуваат без публика.

Задолжителна самоизолација на лица кои доаѓаат од високо и средно ризични држави.

Забрана за извоз на медицинска опрема и машина.

Очекувајте дополнителни изјави и информации во текот на денот.

Поддржете ја нашата работа: