Пронајден фосил на кит со четири нозе стар 43 милиони години

СПОДЕЛИ

Фосил на кит со четири нозе кој е стар 43 милиони години е пронајден во Перу.

Палеонтолозите веруваат дека овие морски цицачи, долги околу четири метри биле прилагодени за живот и во вода и на копно.

Со четири екстремитети и способност да се носат со својата тежина овој кит анатомски е споредлив со видра или дабар.

Истражувачите веруваат дека ова откритие би можело да го олесни разбирањето за еволуцијата на китовите и начинот на кој се размножувале.

“Ова е најкомплетниот примерок од пронајден кит со четири нозе во историјата”, вели Оливие Ламбер, научник од белгискиот институт за природни науки.

Древниот кит е пронајден во морските седименти во близина на брегот на Пацификот, на местото Плаја Медиа Луна.

Се смета дека првите китови за прв пат еволуирале во јужна Азија пред околу 50 милиони години. Како што нивните тела повеќе одговарале за живот во вода, мигрирале кон северна Африка и Америка, каде исто така се пронајдени фосили.

Дискусија

Коментари

СПОДЕЛИ