На древните гробишта јужно од Каиро, во еден од трите запечатени саркофази е пронајдена мумија на висок свештеник, стара 2.500 години.
Египтологот Захи Хавас и неговиот тим отвориле три запечатени сакрофази. Во еден од нив се наоѓала добро сочувана мумија од моќен свештеник, замотан во лан, со златна статуа од божицата Изида.
Во останатите сакрофази тимот пронашол женска мумија украсена со сини бисери и татко во семејна гробница.
Пронајдокот е откриен во живо на каналот “Discovery”.
Тимот на гробиштата во Мињ исто така пронашол ретка восочна глава. Археолозите го откриле локалитетот пред една и пол година, а ископувањата продолжуваат.
“Навистина верувам дека овој локалитет треба да се пребарува уште најмалку 50 години”, рекол Хавас, еден ден пред отворањето на саркофагот.
Хаваш потсетил дека во 1927-ма година на тоа подрачје бил пронајден огромен саркофаг кој бил сместен во Египетскиот музеј во Каиро, но дека локалитетот потоа бил заборавен.
Меѓутоа, пред две години, неовластен копач бил забележан на локалитетот, што било знак за археолозите и ископувањето почнало, објаснува Хавас.
