Сировото месо може да биде опасно за вашиот миленик

Една од причините поради кои некои луѓе се одлучуваат да му дадат сирово месо на своето милениче,е затоа што мислат дека за нив тoa e природно. Во последно време расте популарноста на сирови намирници за домашни миленици, но заедно со неа растат и контроверзните сугестии од страна на производителите.

Сировото месо може потенцијално да го загрози здравјето на вашите миленици, како и вашето – предупредуваат научниците.

Студијата која е спроведена за проучвање на замрзнатите сирови месни производи кои се продаваат во многу продавници за домашни миленици и многу супермаркети низ Холандија, покажа дека ваквиот потег е загрижувачки бидејќи таквото месо содржи високо ниво на паразити и бактерии. Студијата е објавена во списанието Vet Record.

Меѓу останатото, во таквото месо се пронајдени бактерии како ешерихија коли, листерија и салмонела, кои предизвикуваат разни видови на инфекции, од благи па се до тешки, и паразитот токсоплазмоза кој домашните миленици можат да го пренесат на човек.

“Сосема е јасно дека комерцијалните производи базирани на сирово месо можат да бидат контаминирани со различни зоонозни паразитски и бактериски патогени”, пишуваат авторите на студијата.

Од сите овие патогени може да се разболат животните, но исто така и луѓе кои доаѓаат во контакт со сирово месо или со заразени животни. Од 35 комерцијални производи, 8 биле заразени со ешерихија коли, што е опасна и за човекот, а секој петти производ содржел траги од салмонела или поточно секој втор производ содржи траги од листерија. Два производи биле инфицирани со токсоплазма гонди.

“Ова е спротивно од сувата и конзервирана класична храна за кучиња и мачки што е ретко контаминирана со патогени”, велат научниците. “Важно е луѓето да бидат информирани за сите можни ризици од хранење на своите миленици со сирово месо, исто колку за личната хигиена и за потребата од правилно постапување со сировото месо”, пишуваат во студијата.

Во исто време разните тврдења дека сировото месо содржи повеќе хранливи материи не е поддржано со докази.

Поддржете ја нашата работа: