Оваа година, денот на астероидот ќе го одбележиме и кај нас. На 30-ти јуни од 20 часот, Македонското астрономско друштво, Скопското астрономско друштво, Македонското истражувачко друштво Астрономскиот центар Орион ќе имаат серија кратки предавања во киното Фросина и Планетариумо тпри МКЦ, како и набљудување со телескопи на платото пред МКЦ (секако доколку дозволат временските услови).
Настанот ќе го отвори д-р. Олгица Кузмановска професор на Институтот за физика при Природно-математичкиот факултет во Скопје и претседател на Македонското астрономско друштво.
За значењето на Светскиот ден на астероидот ќе зборува професор д-р. Гордана Апостоловска, регионален координатор на глобалното движење Денот на астероидот.
За астероидите кои се блиску до Земјата и за непосредната закана за нашата планета ќе не запознае Филип Парталовски од Скопското астрономско друштво.
„Игра на астероиди“ е темата која ќе биде презентирана од Кристијан Шишковски, од Астрономскиот центар Орион. Во неа ќе бидат опфатени сегашните, најавените и научно фантастичните всленески мисии.
По предавањето посетителите ќе може да го посетат Планетариумот каде Ванчо Стојкоски од Македонското истражувачко друштво ќе го презентира на популарен начин ноќното ѕвездено небо.
Посетителите ќе може да погледнат на вистинското небо преку телескопите поставени на платото пред МКЦ.
Приклучи се на настанот тука
