Тестирано ново ласерско оружје

Ласерскиот систем, наречен “ATHENA“ (Advanced Test High Energy Asset), е дизајниран за да ги заштити воените сили и клучната инфраструктура. За време на неодамнешен тест на отворено, ласерот успеал да го изгори и онеспособи моторот на мал камион. Камионот не се движел нормално, туку се наоѓал на платформа со вклучен мотор. Ова е најголемата моќ досега забележана кај ласерско оружје од ваков вид, а треба да се направат и дополнителни тестови.

„Фибер-оптичките ласери ги револуционизираат системите за енергија. Овој тест го претставува следниот чекор за создавање на лесни ласерски системи на оружје за воените авиони, хеликоптери, бродови и камиони“, велат претставници од компанијата.

Овој систем може да бидe вистински благодет за војската, бидејќи може да го запре копнениот противник долго време пред да стигне до фронтот. Ласерот е создаден преку техника наречена комбинирање на спектрални зраци. Во суштина, системот зема повеќе ласери кои ги „згмечува“ во еден. Комбинираниот зрак од 30 киловати обезбедува поголема ефикасност и разорност отколку повеќе поединечни ласери од 10 киловати кои се користат во другите системи.

Поддржете ја нашата работа: