Епидуралните и ’рбетните инјекции можат да го отежнат туркањето на бебето. Но, нов уред кој го сигнализира напредокот на бебето може да им помогне на жените да дознаат кога и како да се напрегнат, со цел да се забрза породувањето и да се намалат можните компликации.
Една третина од родилките во Велика Британија користат блокатори на болка и се познати по тоа дека го продолжуват породувањето. Колку подолго трае фазата на туркање, толку е поголема веројатноста за појава на несакани исходи, како што се перинеални солзи, инфекција или потреба од медицински клешти. Тоа е затоа што лековите ги потиснуваат нервните сигнали и ја намалуваат способноста на телото за напор.
Научниците од детската болница во Лафајет, Луизијана развија уред кој ефикасно им кажува на жените колку добро им „оди“. Електродите на главата на бебето и перинеумот на мајката се поврзани со софтвер на лаптоп кој сигнализира движење на бебето: успешното туркање е означено со нагорна линија на графикот и музички тон, темпо кое се совпаѓа со движењата на бебето.
Во тест фазата учествувале 45 жени кои го користеле уредот и 24 кои не го користеле. Просечното време на фазата на туркање во породувањето кај корисниците, се намалило од 77 на 58 минути (19 минути пократко). Намалени се и компликациите.
„Родилките и нивните семејства се вљубени во уредот“, нагласува тимот.
ЕНаука.мк e проект во кој главната движечка сила се лица со хендикеп и негови главни цели се враќање на интересот за науката и технологијата во нашите домови, институции и медиуми, како и да докаже дека вистинското место на лицата со хендикеп е во македонската наука и економија. Редовното посетување на нашиот портал, споделувањето и дискусија на интересните статии ќе овозможи одржливост на овој проект и ќе поттикне други слични идеи од кој бенефит би имало целото општество.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
