Една нова луда идеја предизвика масовна поддршка на „Kickstarter“ и иако бараше само 50.000 $ за многу кратко време успеа да собере преку 1 милион.
„Sgnl“ претставува изменливо ременче за вашиот часовник кое во комбинација со вибрациите што ги генерира и „Bluetooth“ ќе овозможи претварање на вашиот прст во звучник.
Како ќе функционира уредот?
Кога ќе ви заѕвони телефонот се активира уредот кој преку „Bluetooth“ ќе го прими сигналот од телефонот (исто како во автомобилите) и овој сигнал ќе го претвори во засилена аналогна вибрација која го користи прстот како медиум низ кој ќе патува до вашето уво.
Уредот ќе користи литиумска батерија која ќе поддржи до 500 полнења, а ќе треба да се полни еднаш неделно.
Ова е една од причините поради која ја креиравме и енаука.мк, да овозможиме квалитетни информации и идеи до нашата јавност кои ќе ја разбудат креативноста и иновативноста со надеж дека наскоро ќе објавиме некои слични успешни македонски проекти.
Погледнете го видеото за да ви станат работите појасни и споделете на фејсбук и твитер.
https://www.youtube.com/watch?v=WqvEjr-AFcw
