Со порастот на дебелината низ целиот свет и неверојатни две третини од Американците на возраст од 25 години или постари, со прекумерна тежина или гојазност, важно е да се најде време за вежбање и да се избегнат негативните животни последици.
Или можеби постои друг начин? Едно истражување покажува дека барем некои од придобивките на вежбањето може да се постигнат без да станете од кревет. Истражувачите откриле дека со едноставно одржување на дневната доза на витамин Ц (500 мг), групата на учесници со прекумерна тежина и гојазност имале еднакво подобрување во крвните садови како оние кои се обврзале на брзо одење неколку пати неделно во период од 3 месеци.
Но, пред да побрзате да ги купите сите извори на витамин Ц кои ги знаете, да разгледаме неколку аспекти.
Прво, мерките земени во истражувањето (конкретно, следењето на крвните садови поради покачени нивоа на протеини на ендотелин (ЕТ) -1) не е единствената мерка на здравјето на кардиоваскуларниот систем – тоа е само еден дел од сложувалката. Тука е и исклучително малиот примерок кој треба да се земе предвид. Само 35 волонтери учествувале во експериментот, 15 вежбале, а 20 земале витамин Ц како додаток во исхраната.
„Ова не е волшебна пилула за вежбање“, вели авторот на студијата, Кејтлин Дау од Универзитетот во Колорадо, Болдер во САД, за Лос Анџелес Тајмс. Но, сепак, резултатите се во прилог за оние кои не се во можност да вежбаат или им е тешко да го сторат тоа.
Иако ниту еден од учесниците во тримесечниот експеримент не изгубил тежина, со земање на витамин Ц или вршењето на умерена вежба, сите тие покажале значителни подобрувања во васкуларниот тонус, со намалување на ЕТ-1 активноста.
Добро е што постојат начини за намалување на ризиците без промена на тежината. Иако витаминот Ц сигурно не е нов лек, важно е да се знае дека мали промени во животниот стил можат да бидат од огромно значење.
Наодите беа претставени на 14-тата Меѓународна конференција за Ендотелин: Физиологија, Патофизиологија и Третман.
