Уредот е наречен „WalkCar“ и се опишува како „возило во торба“ бидејќи лесно може да се носи со себе и претставува еден вид на мал електричен скејтборд на четири тркала.
Уредот е изработен од алуминиум и се напојува со литиумски батерии. Се изработува во две верзии – за внатре и надвор, и во зависност од моделот тежи помеѓу 2 и 3 килограми. Иако е лесен, уредот е доволно цврст и може да носи тежина до 120 килограми. Достигнува брзина од 10 км на час и може да помине растојание до 11,2 км, откако ќе се наполни за три часа.
Возилото лесно се управува, со едноставно префрлање на тежината на корисникот на страната каде што сака да се движи.
Купувачите ќе може да резервираат „WalkCar“ од октомври 2015, преку веб страната „Kickstarter“, по цена од 100 000 јени (околу 800 долари). Испораката се очекува да започне напролет 2016 година.
Погледнете го видеото и видете како изгледа возилото во акција.
