Наставниците биле под поголем стрес од здравствените работници на првата борбена линија за време на пандемијата, открива ново истражување.
Оние што предавале онлајн за време на пандемијата пријавиле значително повисоко чувство на депресија и изолација од колегите што предавале со физичко присуство во екот на пандемијата.
Истражувачите признаваат дека биле доста изненадени од наодите, за кои сугерираат дека би можело да биде поради нивото на неизвесност за тоа колку долго училиштата ќе бидат затворени и ќе се одржуваат часови.
Според истражувањето објавено во „Еџукејшнл рисрчер“, списание на Американското здружение за образовни истражување, наставниците од САД имале 40 отсто поголема веројатност да пријават симптоми на анксиозност за време на пандемијата.
Исто така, тие биле поанксиозни од работниците во другите професии, вклучително и канцелариските работници, војската, земјоделците и адвокатите, според истражувањето направено на повеќе од 3 милиони вработени, меѓу кои 130.000 наставници.
Иако благосостојбата на наставниците беше загрижувачка и пред пандемијата, истражувачите сепак биле прилично изненадени од нивоата на анксиозност за време на пандемијата, вели Џозеф М. Куш, доцент по психологија на Универзитетот „Џејмс Медисон“ и коавтор на истражувањето.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
