фармацевтскиот гигант „Фајзер“ соопшти дека клиничко испитување на нивна пилула за лекување на КОВИД-19 покажало голема ефикасност, оценувајќи ја како голем чекор кон ставање крај на пандемијата.
Ефикасна таблета против коронавирусот се бара од почетокот на глобалната здравствена криза. Досега сите третмани се или интравенски или вакцини.
Како што соопштија од американската компанија, лекот наречен „Paxlovid“ постигнал 89 отсто намалување на ризикот од хоспитализација или смрт кај возрасни пациенти изложени на висок ризик од тешка форма на болеста.
Резултатите од клиничкото испитување од средна до доцна фаза беа толку јасни што компанијата престанa да регрутира нови доброволци за испитувањето, се додава во извештајот.
Фајзер ќе ги достави податоците до Асоцијацијата за храна и лекови што е можно поскоро со барање за итна употреба.
„Денешните вести се вистинска промена на играта во глобалните напори да се запре оваа пандемија“, изјавил извршниот директор на Фајзер, Алберт Бурла.
„Овие податоци сугерираат дека нашиот орален антивирусен препарат, доколку биде одобрен, има потенцијал да ги спаси животите на пациентите, да ја намали сериозноста на инфекциите со СОВИД-19 и да елиминира девет од 10 хоспитализации“, додава тој.
Главната анализа опфаќала 1.219 возрасни лица од Северна и Јужна Америка, Европа, Африка и Азија.
По појавата на симптомите на некои од нив им бил даден експерименталниот лек, а други добиле плацебо – пет дена, на секои 12 часа.
„Планираната привремена анализа покажа 89 проценти намалување на ризикот од хоспитализација или смрт поврзана со СОВИД-19 од која било причина во споредба со плацебо кај пациентите“, наведуваат од Фајзер.
Десет лица кои земале плацебо таблети починале, додека меѓу оние кои го земале лекот нема ниту еден смртен случај.
Неколку компании работат на таканаречени орални антивирусни средства, кои би го сториле она што лекот Тамифлу го прави против грипот и би спречиле болеста да напредува во тешка форма. Велика Британија во четвртокот стана првата земја што одобри пилула против КОВИД, откако ја одобри употребата на антивирусниот лек на „Мерк“ наречен „Молнупиравир“, за лекување на пациенти кои страдаат од блага до умерена форма на болеста.
Производот на Фајзер делува како „инхибитор на протеазата“, со што ја оневозможува репликацијата на вирусот.
Се напоменува дека лекот најверојатно ќе биде ефективен само во раните фази на инфекцијата, бидејќи од моментот кога КОВИД напредува во тешка форма на болеста, вирусот во голема мера престанува да се реплицира и пациентите страдаат од прекумерен имунолошки одговор.
Досега, терапевтските средства за COVID, како што се моноклоналните антитела и Gilead’s remdesivir – одобрен за употреба во ЕУ под името Veklury – се администрираат интравенски.
Фајзер спроведува и две други клинички испитувања со својата таблета: врз луѓе кои не се изложени на ризик да прогресираат во тешка форма на КОВИД и меѓу луѓе блиски до некој со КОВИД за да види дали ги штити од болеста.
Покрај „Фајзер“ и „Мерк“, швајцарскиот фармацевтски гигант „Рош“ исто така работи на таблета против КОВИД.
