Студентот по дизајн Симин Кјуају, препознавајќи ја важноста од заштеда на скапоцената вода, ја создал оваа чешма што не ја штеди само водата и енергијата, туку и млазот вода го претвора во вистинска уметност.
Чешмата која во 2014 година ја доби „iF“ наградата за концепт на дизајн, се состои од двојна турбина која ротира кога водата поминува низ неа, создавајќи прекрасен ефект на решетка. Според авторот, овој додаток овозможува 15% од водата да се заштеди во споредба со традиционалните славини.
Покрај тоа, температурата на водата е однапред подесена, за да се избегне непотребната употреба на прекинувачот за струја, што помага да се заштеди електрична енергија. Корисниците исто така, можат да изберат помеѓу три поставки, кои на млазот вода му даваат различни, убави форми.
