За пасионираните фудбалски навивачи за кои членувањето во фан-клубовите не е доволно, аргентинскиот фудбалски клуб „Тигре“ промовираше т.н. „Passion Ticket”, микрочип кој навивачите ќе можат да го инплантираат под кожа.
Во земјата на фудбалот –Аргентина, навивачите се познати по нивната речиси љубовна поврзаност со своите клубови. Прволигашот Тигре реши ова да го подигне на повисоко ниво, со тоа што им нуди на своите навивачи импланти – микрочипови со помош на кои ќе можат да влезат на стадионот кога има натпревар без да има потреба да покажат влезница или документ за идентификација.
Чиповите се слични како оние што им ги имплантираат сопствениците на кучињата и мачките, во случај тие да се изгубат.
Генералниот секретар на клубот Езекиел Рокино за да го промовира чипот и самиот имплантирал микрочип во раката, под веќе постоечка тетоважа во боите на клубот, црвена и сина. Рокино ја претставил технологијата пред новинарите – доволно е раката да се постави пред скенерот, со што се отвора влезната рампа на стадионот.
Скенерот ги чита податоцито од чипот и доколку членот на навивачите ги има извршено уплатите, сигурносната рампа веднаш се отвора, велат во клубот .
Рокини вели дека чипот ќе биде имплантиран исклучиво на доброволна основа и единствено за да се забрза влезот на стадионот, без да има ГПС следење.