Научниците од Универзитетот во Калифорнија откриле дека белите дробови не служат само за дишење, туку дека имаат и друга важна функција.
Проучувајќи ги белите дробови кај глувци тие откриле дека белите дробови продуцираат половина од тромбоцитите – крвните плочки кои играат клучна улога во запирање на крварењето при повреди.
Долго се сметаше дека најголемиот дел од тромбоцитите се создаваат во коскената срж, а само мал дел во белите дробови.
Меѓутоа , новите наоди покажале дека значењето на белите дробови во создавањето на тромбоцити е многу поголема, но и дека тие претствуваат резервоар на хематопоетични матични клетки, кои пружаат помош кога залихите во коскената срж ќе се намалат.
„Ова откритие ни овозможува многу пософистициран увид во овој орган- белите дробови не служат само за дишење, тие учествуваат и во формирањето на клучните крвни компоненти.Она што го забележавме кај глувците, најверојатно важи и за луѓето“ – вели професорот Марк Луни, еден од членовите на истражувачкиот тим.
Научниците сметаат дека ова сознание ќе им помогне да најдат подобри начини за третирање на болестите на крвта, но и дека ќе ја зголеми успешноста на трансплантациите на белите дробови.
Истражувањето е објавено во списанието „Nature“.
