Дали Стивен Хокинг ја реши мистеријата за црните дупки?

Ајнштајновата теорија за релативитет предвидува дека физичките информации за материите проголтани од црна дупка се уништени, но законите на квантната механика велат дека тие информации се вечни. Тука лежи парадоксот.

Хокинг, работејќи заедно со Малком Пери од Универзитетот Кембриџ во Англија и Ендрју Стромберг од Харвард, смислил можно решение. Тој вели дека квантно-механичките информации за честичките (кои се движат кон црната дупка) всушност не влегуваат внатре во црната дупка.

„Претпоставувам дека информациите не се зачувуваат во внатрешноста на црната дупка, како што очекувавме, туку на нејзината граница, на хоризонтот“, изјави Стивен Хокинг на конференцијата одржана во Кралскиот институт за технологија во Стокхолм, Шведска.

Информациите се зачувуваат на границата и потоа се враќаат во хаотична и бескорисна форма, што во практични цели значи дека информациите се изгубени, објаснува Хокинг.

Тој исто така дискутирал за црните дупки чија гравитација е толку силна што ништо не може да избега откако ќе го помине хоризонтот, дури ни светлината.

 

„Можно е црните дупки всушност да се портали за други универзуми“, вели тој.

Поддржете ја нашата работа: