Во изминатитве години се појавија нови теории во врска со озлогласениот Бермудски триаголник, меѓу кои и таа за меури полни со метан кои се издигаат од дното на океанот и ги потопуваат бродовите.
Иако ова на прв поглед делува дека е возможно, физичарката Хелен Черски од Универзитетскиот колеџ во Лондон, тврди дека оваа теорија е потполно неточна – пишува „Business Insider“.
Според теоријата, на дното на Атлантскиот океан, во регионот на Бермудскиот триаголник се наоѓаат „гасни џебови“ полни со метан. Тие од време на време пукаат и ослободуваат голем број на мали меури кои се движат кон површината. Концентрацијата на тие меури е толку голема што ги оневозможува бродовите да пловат, кои опружени со метан, пропаѓаат и тонат кон дното.
„Замислете дека на дното на океанот се наоѓа место каде што е акумилиран метан. При експлозија метанот може да се ослободи и голем број на меурчиња да се искачат кон површината на водата. Тие меурчиња ќе стануваат се помали и додека се искачуваат со себе ќе повлекуваат вода. Водата им момент на сила и поради притисокот што го врши на бродот ќе го оттурне на страна.
Теоретски тие меурчиња би можеле да потопат брод, но само ако успеат да го превртат бродот на една страна. Меѓутоа, бродовите се направени со херметички затворени воздушни комори кои го спречуваат превртувањето. Во секој случај, меурчињата бродот го потиснуваат нагоре, а не го повлекуваат надолу, така што меурчињата во Бермудскиот триаголник дефинитивно не ги потопуваат бродовите“– вели Черски.
Бермудскиот тријаголник е област во Атлантскиот океан која се граничи со Флорида, Бермудите и Порторико. Исто така претставува и еден од најпрометните трговски патишта и место каде наводно многу бродови и авиони мистериозно исчезнале според некои толкувања, бројот на овие исчезнувања е претеран, а некои случаи се дури и измислени. (повеќе на енаука.мк – „Решена мистеријата на Бермусдкиот триаголник“)
