Јадро во јадрото на Земјата

СПОДЕЛИ

Научниците од Универзитетот во Илиноис, заедно со колегите од Универзитетот Нанјинг во Кина, со помош на технологијата за детектирање на земјотреси откриле дека во јадрото на Земјата има уште едно јадро, кое има изненадувачки својства и може да открие информации за нашата планета.

„Иако внатрешното јадро е мало, всушност помало од Месечината, може да ни каже како се формирала нашата планета, нејзината историја и други динамички процеси на Земјата, како и да го оформи нашето познавање на она што се случува во внатрешноста на Земјата“, истакнуваат научниците.

Научниците користеле сеизмички бранови за да ја скенираат внатрешноста на Земјата, слично како што докторите користат ултразвук за да гледаат во внатрешноста на пациентите. Тие користеле технологија која не ги собира податоците од првичниот потрес на земјотресот, туку од брановите кои резонираат по земјотресот.

Така научниците откриле дека јадрото, за кое се сметало дека е составено од железо, има посложени структурни својства. Тоа има уште едно внатрешно јадро, околу половина од дијаметарот на целото јадро. Кристалите од железо на целото јадро се подредени во правец север-југ, додека во внатрешното во правец исток-запад. Покрај тоа што се подредени различно, кристалите во внатрешното јадро и се однесуваат различно, што значи дека можеби внатрешното јадро е составено од различен вид на кристали или различна фаза.

 

 

„Во текот на историјата, можно е јадрото да претрпело одредени деформации и можеби во тоа се наоѓа клучот за еволуцијата на нашата планета“, велат научниците. „Се наоѓаме буквално во центарот на Земјата“.

Истражувањето е објавено во „Nature Geoscience“.

Дискусија

Коментари

СПОДЕЛИ
------- Донации -----------------------------------------------------------------------------BTC : 32CyCcnLh1wnLp5LqTm72BrWTsonxYtu7n --------------------------------------ETH: 0x5EB1a3010c339F794c2DA50Fd215Afc6B76334EA ----------------------------