Кафе со вкус на брокула ве молам!

СПОДЕЛИ

Во Австралија се појави нов вид на кафе – кафе со брокула.

Имено, производителите направиле прав од овој зеленчук кој може да се додаде во кафе, а неколку локали во Мелбурн веќе го ставија производот во понуда.

Вкусот на брокула не на секому му е особено драг, на некои луѓе ни им се допаѓа нејзиниот изглед, па не сакаат да ја јадат. Токму поради тоа, многу зеленчук завршува во отпад, а брокулата претворена во прав може да го спречи континуитетот од фрлање на храна.

Бидејќи брокулата е богата со хранливи состојки како што се витамин Б, магнезиум, калиум и цинк, овој прав би требало да има поволно влијание врз здравјето на човекот.

Многу истражувања покажале дека брокулата е од голема важност при превенција и лечење на разни видови карцином. Се користи за снижување на холестерол, штити од срцеви заболувања, го регулира крвниот притисок и варењето.

Експертите велат дека брокулата во прав може да се користи и на други начини, во чај, смути, како додаток во супа и слично.

Иако кафето со брокули не звучи баш примамливо, оние кои пробале велат дека зеленчукот воопшто не се чувствува. Обично го додаваат во топло макијато.

Дискусија

Коментари