Кина ќе испрати вселенска сонда на неистражена страна од Месечината

Кина се подготвува за револуционерна мисија за спуштање на вселенска сонда на воглавно неистражен дел од Месечината, со што покажува поголема амбиција како вселенска сила во натпреварувањето со Русија,ЕУ и САД.

Доколку мисијата “Чанг’е 4” биде успешна, Кина ќе стане првата земја која тоа успеала да го изведе.

Другата страна на Месечината е позната и како темната страна на Месечината, бидејќи никогаш не гледа кон Земјата и сеуште е прилично непозната, со различен состав од местата на поблиската страна на која се направени претходните мисии.

Лансирањето на ракетата “Долгиот марш 3Б” е закажано за во неделата наутро по локално време.

Доколку се помине без проблеми, кинеската вселенска програма ќе се пробие на првото место во една од најважните области на лунарните истражувања.

 

Поддржете ја нашата работа: