За разлика од витаминот Ц, за кој студиите покажуваат дека најверојатно не прави ништо за да ја спречи или пак лекува настинката, цинкот е одличен за оваа сезона. Овој минерал се чини дека се меша во репликацијата на риновирусите, кои ја предизвикуваат честата настинка.
Во еден преглед на студии во 2011 година на луѓе кои неодамна се разболеле, научниците ги испитувале оние кои земале цинк во споредба со оние кои земале само плацебо. Резултатот покажал дека оние луѓе кои земале цинк имале пократки настинки и помалку сериозни симптоми.
Цинкот е микроелемент на кој клетките од нашиот имунолошки систем се потпираат за да функционираат. Доколку не внесуваме доволно цинк (истражувачите од Медицинскиот факултет на Харвард препорачуваат 15 – 25 милиграми на цинк дневно), тоа може да влијае на функционирањето на нашите Т – клетки и други имунолошки клетки.
Но, исто така е многу важно и да не се зема премногу од овој додаток, бидејќи може да се меша во функционирањето на нашиот имунолошки ситем и да го има спротивниот резултат.
Кога станува збор за витаминот Ц, сите истражувања покажале дека најверојатно нема никаков ефект за да спречи настинка.
Во еден преглед на 2013-та година, кој вклучувал 29 истражувања во кои биле вклучени над 11.300 луѓе, не бил пронајден никаков ефект од витаминот Ц на траењето или пак на сериозноста на настинката.
Единственото место каде што истражувачите забележале некои бенефиции од додатокот на витамин Ц е кај маратонците, скијачите и војниците, па дури и кај оваа мала популација, набљудуваниот ефект бил многу мал.
Па така, „неуспехот на додатоците од витаминот Ц при намалување на појавата на настинка кај општата популација покажува дека рутинското земање на додатоци на овој витамин не е оправдано“.
Исто така, големи дози на витамин Ц од 2.000 или повеќе милиграми, всушност може да го зголемат ризикот за камења во бубрезите.
Па затоа, најдобро е овој витамин да се добива само од хранливите материи од храната. Јагодите и многу други видови на овошје како и зеленчук се одличен извор.
Исто така, доколку не внесувате доволно цинк во вашата исхрана, обидете се со додатоци на цинк. Леблебиите, црвениот грав, печурките, ракчињата и пилешкото месо, сите се богати со цинк, а исто така и таблетките може да помогнат во зајакнувањето.
Оваа статија првично е објавена од „Business Insider“.
