Огромен, хиперреалистичен робот-леопард бил изожен на лондонскиот Трафалгар сквер.
Роботот наречен Лили, висок е 1,3 метри, тежи 50 килограми и има повеќе од 40 движења, од кои поголемиот дел се фокусирани на деталниот израз на лицето и крикот.
Роберт Нолан и неговиот тим го направиле овој леопард со цел да ја подигнат свеста за загрозеноста на живеалиштата на леопардите, кои сѐ повеќе мора да коегзистираат со луѓето.
Во некои места како Мумбаи, леопардите скитаат по улиците, бидејќи 90 проценти од нивните природни живелишта се уништени, вели Нолан.
„Заради губиток на своите природни живеалишта, леопардите немаат друг избор и мораат да ја делат територијата со луѓето, а со тоа тие се изложени на огромен ризик“– вели Нолан.
Лили е дел од кампањата на „Nacional geographic“, а жителите на Лондон биле прилично шокирани кога го виделе леопардот на улиците во главниот град.
Нолан вели дека 16 мотори ги контролираат движењата на главата и го прават леопардот исклучително подвижен.
Заради губиток на живеалиштата и постојаното опаѓање на популацијата леопардите се ставени на листата на загрозени видови.
