На прв поглед, се чини дека на овие неверојатни фотографии се прикажани мистериозни површини на далечни планети. Но, кога подобро ќе погледнете ќе забележите дека всушност се работи за меурчиња од сапуница. Тие се создадени од фотографот Џејсон Тозер со помош на средство за миење садови, сламка, закачалка завиткана во облик на прстен, една чинија, дестилирана вода и малку глицерин.
Убавината на фотографиите е во тоа што тие не се дигитално изменети – секое меурче е уникатно и има своја индивидуална форма и боја, која фотографот ја постигнал со своја техника на осветлување, а со шарените површини манипулирал дувајќи со сламка во чинијата со растворено средство за миење садови, вода и глицерин. Колку повеќе балони правел, толку помалку боја се појавувала на површината.
За повеќе фотографии од меурчиња, како и други фасцинантни проекти, посетете ја неговата веб страница.
