Помеѓу финалистите на Google LunarX Prize натпреварот е тимот од Калифорнија кој сака да произведе пиво на Месечината. Дел од работата ќе ја завршат на Земјата, а потоа до крајот на годината сакаат да лансираат пивара на Месечината.
Различните мисии предвидуваат враќање на луѓето на Месечината во следните 15 години, а првите луѓе кои ќе се вратат на сателитот може да ги дочека чаша студено Месечинско пиво.
Тимот на студенти од Универзитетот во Калифорнија се натпреварувале со цел да ја постават првата пивара на Месечината, а своите експерименти ги испратиле на леталото на индиската компанија TeamIndus во Google LunarX Prize натпреварот.
За место на леталото се натпреварувале 3000 тима, а овој е еден од 25-те кои ќе полетаат на 28 декември оваа година.
Кога овие студенти слушнале за слободното место на индиското вселенско летало, одлучиле да го спојат своето хоби со натпреварот и да се фокусираат на отпорноста на квасецот во универзумот.
“Да се разбере односот на квасецот на Месечината, не е важно само за произвотството на пиво, туку и за развој на лекови и храна која содржи квасец, како што е лебот“, вели еден студент од тимот.
На Земјата ќе се припрема неферментирано пиво и ќе се испраќа на Месечината. Тимот планира да ги спои ферментацијата и карбонизацијата, кои се инаку одвоени процеси, со цел да го намалат бројот на променливи при креирање на CO2 и да го направат овој процес сигурен.
