Според Урлих Мерилд, кој ја дизајнирал нараквицата со поддршка од Институтот Александра, прототипот ќе биде готов наскоро. Нараквицата што се нарекува „DrugStop“, ќе добива информации за сите нови дроги што ќе се појават на пазарот преку УСБ конекција.
„DrugStop“ ќе врши тестирање за најчестите дроги преку испраќање на светлина во пијалокот. Светлината што се рефлектира назад ќе го известува корисникот дали во пијалокот има и за каква дрога се работи.
Производот ќе биде претставен како ракавица, пенкало и уред кој ќе може да се приклучи на мобилен телефон.
Компанијата планира да направи тестирање на прототипот идната година, а се надева дека во продажба ќе се најде после летото.
Во прво време, компанијата ќе се фокусира на продажба во поголемите европски градови, а потоа во САД, Јапонија и Индија.
