Секогаш вашите родители потсетуваат никогаш да не ги оставате пијалоците отворени, бидејќи дури и најблагиот човек на светот може да биде оној кој ќе го искористи моментот и ќе сипе дрога во нив.
Една студентка од Вашингтон, одлучила да го спречи искористувањето на младите жени и мажи кои без оглед на предупредувањата, ги оставаат своите пијалоци на маса или шанк, и често завршуваат под дејство на дрога. Поради тоа се ранливи, збунети, па дури и несвесни, и лесно можат да станат жртви на сексуално или друг облик насилство и искористување.
‘KnoNap’ е салфета која изгледа исто како и секоја друга, но сепак таа е “паметна”, вели Danya Sherman, студентката која ја креирала.
Инспирирана од приказната на нејзината пријателка, која била сексуално искористена, и поради илјадници други жртви, оваа студентка дошла до идеја дека може да креира салфета која може да препознае 26 до 40 најчести видови на дрога.
Оваа салфета изгледа исто како и класичната. Единствена разлика е во тоа што, доколку ставите капка од пијалок на неа, а пијалокот содржи дрога, салфетата ќе ја смени бојата, односно знае дека некој ви ставил дрога во него – пишува The Independent.
Проектот во моментов го финансира Универзитетот, додека на пролет Danya ќе отпочне кампања на Kickstarter, со цел оваа идеја да заживее низ целиот свет.
