Дронот бил направен како противтежа на германските воздухоплови „Цепелин“ и за време на Втората светска војна вршел и копнени напади. Бил направен од дрво и лим, но генерално леталото не било многу успешно бидејќи бучавата од неговиот мотор ја попречувала работата на радиото. Компанијата „Sopwith Aircraft“ се обидела исто така да направи дрон во 1916 година. Радио опремата била поставена на опашката на дронот, за да се избегнат пречките предизвикани од работата на моторот, но нивниот дрон никогаш не полетал бидејќи бил оштетен во несреќа што се случила на терен. Лоу, се обидел повторно да го полета својот дрон во 1917 година, во присуство на високи воени офицери. Бил лансиран од задниот дел на еден камион, летал некое време, но се урнал заради откажување на моторот и за малку ќе ги убиел присутните офицери.
