Амбициозни планови: Кина следната година ќе испрати летало на Марс

Кина по успешната мисија на темната страна на Месечината планира следната година да испрати вселенско летало на Марс, чија задача ќе биде да истражи дали таму е возможно да се испрати човечки екипаж.

“Успешно завршената мисија на Месечината значи пресврт во истражувањето на Вселената од страна на кинеските експерти”, вели директорот на ЦНСА, Ву Јанху.

Имено, леталата “Jade Rabbit 2” и “Chang’e 4” се првите такви видови кои слетале на темната страна на Месечината, а со чија помош кинеските експерти ги добиле фотографиите, кои и натаму се истражуваат.

Интересно е и тоа дека “Chang’e 4” леталото го добило името по кинеската божица за која легендата вели дека живеела на Месечината илјада години.

Од Кинеската вселенска агенција – CNSA, велат дека сега планираат да ги пратат своите летала на Марс во почетокот на 2020-та година, за да дојдат до заклучок дека е можно да пратат човечка експедиција на оваа планета.

Првата вселенска мисија на Кина била завршена неуспешно во 2012-та година, кога леталото, кое носело сонда, се распаднала откако не успеала да влезе во Земјината орбита.

 

Поддржете ја нашата работа: