Затоа, на бремените жени им се препорачува ограничување на храната која содржи многу витамин А во форма на ретиноиди, како на пр. џигер.
Сигналната молекула, ретиноична киселина, е производ на витаминот А кој помага при тоа како ќе се формираат различни ткива во растечкиот ембрион. За прв пат, научниците од лабораторијата на Лунд во Шведска ги проучувале ефектите на ретиноична киселина во однос на тоа како се развиваат крвни клетки од матични клетки.
Во лабораториски модел ги изложиле матичните клетки на одредени сигнални молекули, со што се развиле во крвни клетки. Со зголемување на нивото на ретиноична киселина, драстично се намалувал бројот на крвни клетки што може да се создадат, додека со намалувањето на ретиноичната киселина се зголемувало создавањето на крвни клетки дури за 300%.
Овие резултати покажуваат дека витаминот А во големи дози има негативен ефект на развојот на крвта. Ова е дополнителна причина зошто бремените жени треба да избегнуваат прекумерна доза на витамин А во текот на бременоста. „Ова истражување го зголемува нашето разбирање за сложеноста на процесот на формирање на крв за време на ембрионалниот развој“, истакнуваат научниците.
