Атлас е двоножен хуманоиден робот развиен од американската компанија „Boston Dynamics“ кој за прв пат беше јавно претставен во 2013 година.
Научниците веруваат дека би можел да им помага на луѓето во несреќи, како на пример при земјотреси или пожари, на местата каде што луѓето не можат да пристапат.
Сега, научниците имаат нов предизвик за него, надвор од лабораторијата. Неговата способност да се движи низ шумата е еден чекор напред кон развојот на балансот и динамиката кои се природни за луѓето.
Атлас се’ уште не е подготвен да се движи самостојно (на видеото ќе забележите дека е поврзан со извор на енергија) и не може да направи се што луѓето можат да направат, но научниците се убедени дека ако продолжат со работа, наскоро ќе стигнат до тоа ниво.
