Робокап на улиците на Дубаи ( Видео )

Роботи полицајци ќе патролираат на улиците на Дубаи , заедно со полициските сили.

Уште во октомври 2016 година беше претставен прототип на робот полицаец- или „Побокап“, како што  многумина го нарекоа, кој ќе може да им помага на граѓаните. Сега се најавува дека во функција официјално ќе бидат пуштени во мај оваа година.

Андроидот е опремен со технологија зa препознавање нa лица, а  жителите ќе можат да го користат за пријавување на  криминал, но и  да плаќаат  сообраќајни казни.

Роботот-полицаец има способност да скенира  лица на оддалеченост од 20 метри и на градите има екран преку кој граѓаните ќе можат да се поврзат со полицијата. Има дури и микрофон  кој е директно поврзан со кол-центарот на полицијата во Дубаи.

Ако се покажат ефикасни, се очекува до 2030 година  роботите да сочинуваат 25 проценти од полицијата во градот.

„ Сакаме да ја оствариме нашата цел и да развиеме паметни роботи полицајци. До 2025 година Дубаи ќе биде еден од петте градови кои ќе имаат најдобар безбедносен систем“– изјавил мајор генералот Абдулах ал Мери од полицијата на Дубаи.