Робот со емоции и меморија

Д-р Фаршид Амирабдолахиан, кој предава за адаптивни системи во Универзитетот, предводел тим од девет партнерски институции од пет европски земји, како дел од проектот наречен „ACCOMPANY“ (Прифатливо друштво на роботи во староста), вреден 4 825 492 евра.

Во текот на последниве три години, тимот успешно направил голем број на истражувања, како на пр. забележување на активноста и статусот на луѓето, како и фокусирање на способноста за паметење и сеќавање на роботот.

Резултатите кулминирале во три итеракциски сценарија, кои последователно биле оценувани со вклучување на постари лица и нивните негуватели во Франција, Холандија и Велика Британија.

Резултатите од проектот „ACCOMPANY“ покажуваат дека роботот може да помогне да се спречи изолацијата и самотијата на постарите лица, со тоа што ги стимулира активностите, а истовремено ја почитува нивната самостојност и независност. Проектот доби одлични резултати од финалните прегледи во Брисел.

„Овој робот ја докажа можноста да се има придружник од технологијата, истовремено нагласувајќи ги различните важни аспекти како емпатија, емоција, социјална интелигенција, како и етиката и нејзината норма кои ја опкружуваат технологијата“, изјави д-р Амирабдолахиан.