Руските научници презентираа прототип на нуклеарна батерија која може да работи континуирано во период од неверојатни 50 години. Батеријата се базира на изотопот никел- 63 и има огромна примена, од пејсмејкери, разни преносни уреди, телекомуникации па се’ до сателити и ракети за истражување на вселената, известува рускиот „ТАСС“.
Научниците создадоа технологија со која енергијата од бета-радијацијата од никел-63 се претвора во електрична енергија, при што радијацијата не е штетна за живите организми, а воедно има и соодветна заштита.
Предноста на ваквата нуклеарна батерија во однос на традиционалните батерии е во малите димензии и огромниот век на траење, поради што инженерите ја нарекуваат „вечна“.
Поддржете ја нашата работа:
