Ви звучи ли познато она чувство кога нешто изгледа премногу добро за да биде вистина? Или можеби ви се причинило дека работите одат толку добро што почнува да ве облева чувство дека треба да се спремите дека наскоро ќе се случи нешто лошо?
Ова е ирационален страв кој е познат под името Cherophobia. Луѓето кои патат од оваа состојба, не се плашат само од активности кои ги прават среќни туку и од самото чувство среќа.
Потекнува од грчкиот збор „χαρά (chará)“ што значи „јас се радувам“. Тоа во основа значи дека луѓето кои се засегнати се плашат да учествуваат во активности кои се забавни.
Cherophobia не е дијагноза која е широко употребувана или добро дефинирана и затоа не се наоѓа во најновото издание на Дијагностичко статистичкиот прирачник за ментални нарушувања (DSM-5), кој е главен ресурс за дијагностицирање на ментални нарушувања. Но, според Healthline, некои медицински експерти оваа состојба ја класифицираат како форма на анксиозност.
Некои симптоми кои укажуваат дека можеби се работи за ова нарушување, според Healthline, се:
- Анксиозност која се јавува кога сте поканети на социјален собир,
- Пропуштање на можности кои може да доведат до позитивни промени во животот поради стравот дека нешто лошо ќе се случи,
- Одбивање да учествувате во „забавни“ активности,
- Став дека доколку сте среќни ќе доведе до несреќа,
- Грижа на совест и чувство дека доколку се чувствувате среќен вие сте лоша личност,
- Мислење дека доколку покажете среќа, тоа е лошо за вас или за вашите пријатели и семејство,
- Став дека обидот да се биде среќен е губење на време и напор.
Психијатарот Кери Барон како причини за развој на оваа состојба, наведува неколку причини заради кои може да се развие оваа состојба. Казна во детството на која и предходела некоја активност која кај детето водела до чувство на среќа. Конфликт со саканата личност и повторување на конфликтни ситуации после среќни настани кои создаваат чувство дека се поврзани причина/последица.
На крајот, тоа сепак е чувство на целосна безнадежност, што доведува до чувство на вознемиреност или претпазливост за учество во активности кои промовираат среќа.
Когнитивна бихејвиорална терапија, е терапија која му помага на лицето да ги препознае погрешните правци на размислување и да го идентификува однесувањето кое може да помогне за да се промени.
Стратегии за релаксација како што се длабоко дишење, вежбање, хипнотерапија итн.
Ако симптомите на херофобијата се поврзани со траума од минатото, лекувањето на основната состојба може да помогне во лекувањето на негативните асоцијации што ги имаат луѓето меѓу задоволството и болката.
Извор: Pharma News
