Што е следно по откривањето на течна вода на Марс?

Оттука потекнуваат сериозни прашања во врска со тоа како ќе истражуваат понатаму и како ќе бараат знаци за живот на Црвената Планета.

Проблемот е во тоа како да се пронајде живот, без да се загади со бактерии од Земјата.

Роверот „Curiosity“ во текот на следните месеци најверојатно ќе се доближи поблиску до темните ленти создадени од водата која течела по кратерите или кањоните, но роверот не е стерилен и можно е да ги контаминира подрачјата со вода. Во текот на наредниве недели и месеци научниците ќе треба да одлучат до каде „Curiosity“ смее да оди.

Вселенските истражувачки сили се обврзани со правилата во договорот за вселената од 1967 година, кој забранува испраќање на каква било мисија блиску до извор на вода, поради ризик од негово загадување со животни форми од Земјата.

Со самото ова, рацете на НАСА се врзани, и мора да се држи подалеку од регионите каде што може да има вода. Но, од каде да знаеме дека планетата не е веќе контаминирана од досегашните ровери што сме ги испратиле? Како и да е, планот за колонизирање на Марс до 2030 година, неизбежно ќе ја контаминира средината и ќе ги прекрши правилата на договорот.

 

Поддржете ја нашата работа: