Телескопот Хабл со прекрасна снимка за 26-тиот роденден

За прославата на 26-годишнината од лансирањето на телескопот Хабл (годишнината е во недела), астрономите го употребија телескопот за да направат величествена снимка на меурестата маглина.

Овој огромен меур, познат и како „NGC 7635“ е облак од гас и прашина лоциран во соѕвездието Касиопеја. Прв пат е откриена од Вилијам Хершел во 1787 година. И досега е делумно фотографирана од Хабл, но ова е прва слика од телескопот што ја прикажува целата големина на меурот во една слика.

Во средината на меурот се наоѓа „SAO 20575“, ѕвазда со маса 10 до 20 пати поголема од Сонцето. Гасот од ѕвездата – неговиот ѕвезден ветер, прави притисок кој го надувува околниот меѓузвезден материјал во форма на меур. Сепак, не е јасно зашто меурот е идеално топчест, и покрај тоа што ѕвездата не се наоѓа во неговиот центар.

Поддржете ја нашата работа: