Во Канда откриено село постаро и од пирамидите во Гиза

Археолошки тим, поддржан од Институтот Хакаи во Канада откриле древно село старо 14.000 години.

Пронајдените парчиња јаглен од древно огниште, како и јадици за риби, копја, камени алатки, рачно изработени орудија за потпалување на оган, покажуваат дека областа каде се откриени е една од најстарте човечки населби откриени во Северна Америка. Селото е постаро од стариот Рим, па дури и до пирамидите во Гиза.

Досега беше општо прифатено мислењето дека луѓето  ја населиле Америка преку копнен мост кој ги поврзувал териториите на сегашен Сибир и Алјаска, пред околу 13.000 години.Меѓутоа, според некои неодамнешни студии, на овој пат немало доволно ресурси за да би можеле луѓето што мигрирале  да го поминат. Затоа,некои  истражувачи велат дека луѓето влегле во Северна Америка по должината на морскиот брег.Новото откритие потврдува дека постоел и друг пат.

Откритието ги поткрепува преданијата на народот Хајлсук кој со векови го населувал подрачјето на денешна Канада.

Според тие преданија, предците на овој народ го преживеале леденото доба живеејќи покрај делот од крајбрежјето кој не замрзнувал.

Откритието е претставено на годинешниот состанок на Здружениото на американските археолози.