Според компјутерските модели, облакот од гас околу планетата има дијаметар од околу 3 милиони километри. Досега не е забележана толку голема опашка кај толку мала егзопланета.
Астрономите ја забележале масивната опашка со помош на телескопот „Хабл“ и опсерваторијата „Чандра“ и сметаат дека е резултат на испарувањето на атмосферата на планетата, поради екстремната радијација од ѕвездата- домаќин. „Gliese 436b“ орбитира околу својата ѕвезда на растојание од околу 4 милиони километри. (За споредба, Земјата орбитира околу Сонцето на растојание одоколу 150 милиони километри).
Астрономите проценуваат дека досега загубила околу 10% од атмосферата. Тие ќе продолжат со истражувањата на сличните егзопланети за да утврдат дали и тие би можеле да имаат опашки. Истражувањето е објавено во „Nature“.
