Леталото ќе собира дополнителни податоци кои ќе помогнат при планирањето на мисијата „Chang’e 5“ во 2017 година, изјави кинеската централна телевизија.
Мисијата „Chang’e 5“ треба да донесе најмалку 2 кг. камен и примероци од почвата на Месечината. Ако е успешна, тоа ќе ја направи Кина третата земја, по САД и Русија, која исполнува таков предизвик.
Кина веќе има лансирано неколку сонди кои орбитираат околу Месечината, а во 2013 година дури и слета вселенско летало на Месечината, кое вклучувало и ровер, меѓутоа сите тие не биле дизајнирани за да се вратат на Земјата. Кина, исто така, навести и можна мисија на Месечината со човечки екипаж.
Кина го испрати својот прв астронаут во вселената во 2003 година и е единствената земја после САД и Русија која успеала независно да развие патување во вселената. Исто така, лансирала и привремена вселенска станица.
Програмата на Кина имала помош од Русија, но во голема мера се развила независно од Америка.
