Од шестото „iOS 14.5“ бета ажурирање, корисниците на „iPhone“ и „iPad“ уредите ќе треба да го одберат својот посакуван Сири глас за време на подесувањето на уредот.
Со оваа промена, „Apple“ исто така воведува два целосно нови гласови за Сири кои се достапни за сите кои зборуваат англиски јазик низ светот.
„Возбудени сме што претставуваме два нови Сири гласови за оние кои зборуваат англиски јазик и опција за корисниците на Сири да го из берат гласот кога го подесуваат својот уред“ – соопшти „Apple“.
„Ова е продолжение на долгогодишната посветеност за разноликост и инклклузија, како и на производите кои се дизајнирани подобро да ја оддржуваат различноста во светот во кој живееме“, додаваат од компанијата.
Оваа вест е најнов пример за големите технолошки компании кои се обидуваат да отстранат било какви родови поврзаности со своите дигитални гласовни асистенти. Студии откриле дека кога за виртуелен асистент се подразбира женски глас, тоа може да ги зголеми прострасностите и негативните стереотипи.
Според некои проценки, Сири добива преку 25 милијарди барања месечно од повеќе од 500 милиони уреди.
