Научниците заинтересирани за Венера, како и други екстремни места во Сончевиот систем, наместо да патуваат до нив, сега имаат друга опција за да ги проучуваат.
Новиот симулатор во истражувачкиот центар Глен на НАСА, во Охајо, може да ја репродуцира екстремно високата температура, страшниот притисок и атмосферските гасови на Венера и да создаде сличен таков пекол на Земјата.
Во внатрешноста на комората од нерѓосувачки челик, температурите достигнуваат повеќе од 480 степени Целзиусови, што е пожешко од површината на Венера. Истовремено, притисокот може да биде 100 пати поголем од тежината на атмосферата на Земјата на морско ниво. Ако се додаде јаглерод диоксид, која опфаќа 96% од атмосферата на Венера, азот и други хемикалии, научниците може одново да ја создадат физиката која ги обликува другите светови.
И други тест комори можат да ги репродуцираат компонентите на атмосферата на една планета, но кај оваа научниците планираат да постават инфраред спектометри, како и други инструменти, за да можат да гледаат како минералите еволуираат. Комората исто така, би можела да се подеси да се репродуцираат и средините на Јупитер и Сатурн, кои исто така се топли. А во иднина, со додавање на ѕидови за ладење, би можело да се репродуцира и Уран или други ледени светови. Долгорочната цел е да може да се репродуцира која било атмосфера на планетите.
