Дали конечно е разрешена мистеријата на Бермудскиот триаголник?

Една од најголемите мистерии на планетата е токму мистеријата на Бермудскиот триаголник каде што мистериозно исчезнале многу бродови и авиони.

Сега, научниците сметаат дека се чекор поблиску до нејзиното разрешување бидејќи откриле огромни подводни кратери на дното на Баренцовото Море, во близина на брегот на Норвешка.

Иако овие кратери се наоѓаат далеку од Бермудскиот триаголник, кој се протега во Атланскиот Океан, од Бермуда, преку Флорида, до Порторико, тие може да бидат клучниот дел за објаснување за исчезнувањето на бродовите во оваа област.

Овие кратери се широки до 800 метри и длабоки до 45 метри, и научниците сметаат дека настанале како резултат на таложењето и експлодирањето на големи количини на метан, кој потекнува од брегот на Норвешка кој е богат со гас.

Ова подрачје со кратери е најверојатно најголемото жариште на метан кој се ослободува во плитката морска вода, пишува „Daily News Wire“.

Кратерите претставуваат потенцијално голем ризик за бродовите кои пловат по Баренцовото море, а можеби претставуваат и причина за исчезнување на бродовите и авионите во оваа област, велат научниците.

Тие ќе ги претстават своите откритија на годишниот состанок на Европската унија за геонаука, каде што експертите ќе анализираат дали ослободувањето на метанот е опасно за бродовите.

https://www.youtube.com/watch?v=XAHU7fyqFWI