Во помал обем, празнењето помеѓу две електроди се случува на ист начин. Па, како можеме да го контролираме движењето на струјата, односно молњата, за да се движи по претходно одредена патека? Професорот Роберто Морандоти, заедно со своите колеги, открил како да ги насочи електричните празнења, со помош на ласери.
Ова прашање било предмет на интензивно истражување, особено во 1970-тите години. Сега, научниците од Центарот за научни истражувања во Квебек, Канада, конечно го решиле овој предизвик. Нивниот експеримент покажува како различни ласери им даваат различни својства и траектории на електричните празнења. Доколку се комбинираат ласерските зраци, може да се постигне и траекторија во форма на „S“.
Научниците покажале дека ласерскиот зрак којшто е блокиран од некоја пречка, може да се реконструира позади истата. За таа цел, тие поставиле некој предмет помеѓу електродите и забележале дека електричното празнење ја прескокнува пречката без да ја оштети, и се враќа кон својот ласерски водич на другата страна.
Истражувањето е објавено во “Science Advances“.
