Научниците ги проучувале протеините во клетките, познати како хистони, кои не се дел од генетскиот код, но се познати по својата контрола при активирањето на гените. Откриле дека промените на овие протеини, кои настануваат по природен пат, може да се задржат од една до друга генерација и така да влијаат на тоа кои особини ќе се наследат, а кои не.
Ова откритие за прв пат покажува дека не е само ДНК одговорна за наследните карактеристики. Исто така, може да обезбеди информации за тоа дали промените на хистоните, кои се предизвикани од условите во средината како на пример стресот или исхраната, може да влијаат на функцијата на гените кои се пренесуваат на потомството.
„Ова истражување го потврди нашиот сомнеж дека наследните карактеристики може да се епигенетски, што значи дека не се сведуваат само на промените во ДНК, па сега останува да се види колку често се случува
овој процес“, велат истражувачите.
Истражувањето е објавено во „Science“.
