Овогодинешната Нобелова награда за физика заврши во рацете на Артур Ашкин од САД, Жерар Муру од Франција и Дона Стрикленд од САД за откритија од областа на ласерската физика.
Ашкин беше награден за развивањето на ласерска техника, позната како оптичка пинцета со чија помош се проучуваат биолошките системи. Воедно, со своите 96 години, тој е и најстариот добитник на Нобелова награда во историјата.
Другиот дел од наградата ја добија Муру и Стрикленд за нивниот метод за генерирање на високо-интензивни и ултра-кратки оптички импулси што се применуваат во корективната очна хирургија.
Нобеловиот комитет наведува дека откритијата кои се наградени оваа година донесоа револуција во областа на ласерската физика.
„Мора да ги славиме жените физичари, бидејќи ние постоиме. Среќна сум што сум една од тие жени“ – вели Стрикленд.
Дона Стрикленд, Жерар Муру и Артур Ашкин ќе поделат премија од девет милиони шведски круни.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
