Светот без луѓето во него би изгледал како африканска савана, според една неодамнешна студија направена од тим дански научници. Тие дури изработиле и мапа за да покажат како би изгледал светот без „homo sapiens“.
И не е изненадување што светот без човечка цивилизација би изгледал многу слично на денешната африканска савана.
Еден од авторите на студијата објаснува „Причината зошто Африка е главното место за сафари не е затоа што тој континент е природно премногу богат со разни видови на цицачи, туку само покажува дека тоа е единствено место каде човековите активности сѐ уште не го уништиле поголемиот дел од големите цицачи“.
Претходни истражувања покажале дека причина за масовното исчезнување на многу од големите цицачи е подемот на модерниот човек, за време на и непосредно после првото ледено доба.
Ако луѓето не го поттикнале исчезнувањето на другите цицачи, местата како денешен Тексас, Бразил и Аргентина би претставувале подрачја каде останатиот животински свет би бил во изобилие.
Гигантските мрзливци и древните коњи би ја крстареле Америка. Носорозите и слоновите би се шетале низ континентална Европа.
Овие наоди не се прецизни но научниците се надеваат дека овие податоци ќе помогнат да се зачува дивиот свет.
