Илјадници години луѓето ги тетовираат своите тела. Според „Smithsonian.com“, неколку египетски женски мумии кои датираат 2.000 години п.н.е. имаат знаци за вакви модификации на телото.
Во видеото на „SciShow“, со наслов „Науката на правење (и бришење) на тетоважите“, водителот Мајкл Аранда објаснува како тетоважите остануваат трајно на кожата, како и за современите методи со кои мастилото може да се отстрани.
„Тетоважите настануваат на тој начин што ја користат структурата на кожата и составот на мастилото што се употребува“- објаснува Аранда. Пигментот се нанесува доволно длабоко за да не се „излупи“ со време, што тоа природно го прави најголемиот орган на телото.
Видеото исто така открива на кој начин функционира ласерското отстранување на тетоважите.Тоа се случува преку создавање на топлина на површината на кожата, со што се разложуваат честичките од пигментот, кои подоцна се отстрануваат од страна на белите крвни зрнца на телото.
Ако сакате да дознаете повеќе за тоа како остануваат тетоважите на кожата и на кој начин докторите ги отстрануваат, погледнете го видето.
