Кинеската провинција Sichuan која се наоѓа на југо-запад, ќе издвои дури 1,58 милијарди долари во наредните пет години за еден проект за изградба на огромен национален парк за панди, кој по големина ќе го надмине за два пати американскиот Yellowstone.
Во тој огромен парк ќе бидат заштитени дивите панди од оваа област, провинцијата Shaanxi и Gansu, додека финансирањето ќе помогне во олеснување на сиромаштијата и ќе ја подобри инфраструктурата.
Потпишаниот договор со провинциската влада за финансирање на големиот национален парк за панди ќе биде целосно реализиран до 2023 година.
Големите панди (Ailuropoda melanoleuca) се неверојатно бавни животни за размножување. Жените овулираат само еднаш годишно, во просек само 2-4 дена, па веројатноста за зачнување е многу мала.
Жените се грижат за своите младенчиња до три години, па веројатноста за повторно парење станува уште помала.
Иако бројот на панди се зголеми за 17 проценти и повеќе не се наоѓа на листата на загрозени видови, пандите се уште се наоѓаат на листата на ранливи животни. Но, и оставајќи ја листата на загрозени животни е голема работа, бидејќи се предвидуваше дека овие панди ќе бидат целосно исчезнати. Според тоа, убивањето на панди беше казниво со смрт до 1997 година, и од тогаш санкцијата е сведена на 20-годишна затворска казна.
Заштитата на шумите и ширењето на природните живеалишта се клучен начин за зголемување на видовите.
Пандите имаат желудник со само една комора и прилично кратко дебело црево. Тоа значи дека мораат да јадат цели 14 часа дневно и вкупно да изедат 12,5 килограми дневно, а од тоа варат само 17%.
Фактот дека секоја возрасна панда на светот треба да изеде 12,5 килограми бамбус дневно е доволно да се зборува за тоа колку се важни нивните природни живеалишта. На оваа важност се додава и фактот дека тие животни во заробеништо губат интерес за парење.
