Кина има сѐ поамбициозна вселенска програма која вклучува испраќање на луѓе во вселената, и желба за мисии на Марс, како и една на Јупитер.
Откако имаше рекордна година по број на вселенски лансирања, Кина развива нови планови за истражување на длабоката вселена кои вклучуваат две мисии на Марс и испраќање на сонда до Јупитер, пренесува агенцијата Xinhua.
Првата сонда на Марс, Кина планира да ја испрати до 2020 година .Втората сонда би требало да донесе примероци и да изврши истражување на составот, структурата и околината на Марс.
На агендата се уште и истражување на астероид и летало до Јупитер.
Целта на Кина е да стане вселенска сила до 2030 година, со напредна и отворена вселенска индустрија и инфраструктура.
Според плановите што беа објавени кон крајот на минатат година , клучните проекти до 2020 година вклучуваат човечки мисии во вселената, сонди на Месечината, навигацискиот сателитски систем „BeiDou“ и набљудувачката сателитска програма во висока резолуција „Gaofen“.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
