Благодарение на развојот на компјутерската технологија, која во изминатите дваесет години, влезе во сите сфери на човечкиот живот, вклучувајќи го и процесот на едукација, денес на интернет постојат голем број на интерактивни научни страници, наменети за студентите, како и за сите кои сакаат да учат, а некои од поинтересните може да ги видите во продолжение.
Наведената страна нуди стотици бесплатни симулации по биологија, нанотехнологија и сродни научни дисциплини. Притоа, како најинтересна се истакнува симулацијата Molecular Self-Assembly, со чија помош можете да се запознаете со настанокот и структурата на комплексните органски и неоргански соединенија.
Станува збор за интерактивни анимации преку кои студентите можат да се запознаат со деловите и принципот на работа на електричните мотори. Владеејќи со работата на моторите со помош на интерактивните стрелки, може да научите како моторот се однесува при одредени режими на работа.
Како што самото име ни кажува, оваа алатка обезбедува можност за создавање на конвексни и конкавни леќи во различни форми, како низ секоја од нив проаѓа светлина на сосема различен начин.
Ова е извонредна алатка од Гугл, која овозможува одличен увид на вечерното небо. Покрај тоа, откако корисникот по пат на сервисот Google Earth ја означи својата локација и ќе премине на Google Sky, на екранот се покажува слика од небото во реално време. Така корисникот може да го гледа вечерното небо на компјутер без да излезе надвор.
Што се сличува кога во вода ќе додадете шеќер и сол? Што добивате после испарување на водата во која се помешани шеќер и сол? Одговори на овие и слични прашања можете да најдете токму на оваа страна.
Благодарение на симулацијата која ја развиле научниците од Универзитетот во Колорадо, можете да поместувате планини и да создавате океани. Имено, со промената на температурата, составот и дебелината на тектонските плочи, на студентите се обезбедува одличен увид на движењето и еволуцијата на тектонските плочи на Земјата.
Доколку немате во близина течен азот и Ван де Графов генератор, а би сакале да изведувате експерименти, само кликнете на линкот погоре и можете да гледате што се случува кога се плеткате со гасови, изладени на екстремно ниски температури.
Оваа страна нуди широк спектар на разновидни прикази од кои како посебно интересна се истакнува симулацијата за работата на клетките.
Овој YouTube канал нуди цела низа на образовни видео клипови, за тоа како да се однесувате на час, како да се чува училишната опрема, па се до лабораториски експерименти.
Одлична интерактивна страна која овозможува увид во однесувањето на потенцијалната и кинетичката енергија, на пример, симулирани топки кои е возможно да се фрлат на три различни површини – дрво, цемент и стиропор.
